Frå kommunesenteret Nordfjordeid er det kort avstand til dei andre kommunesentra i Nordfjord og søre Sunnmøre; Måløy, Stryn , Sandane og Ørsta/Volda. På 40-45 min. kan ein nå heilt ut til storhavet i vest og til høgfjellet og breen i aust. Nordfjrodeid er eit kommunikasjonsknutepunkt ved at RV 15 frå Måløy til Otta krysser stamvegen E39 som går lang heile kysten frå Stavanger til Trondheim. Det er og nært samband til flyplassen på Sandane med daglege flyruter til Oslo og Bergen.
I tillegg til å vere eit viktg handelssenter i Nordfjord er det viktuge offentlege tenester for heile regionen; sjukehus, biltilsyn m.m. Nordfjordeid er ein gamal og velrenommert skulestad, men mest kjend er nok staden som Fjordhesten sitt Mekka. Førse helga i mai kvart år er Nordfjordeid og Eid kommune vertskap for den eldste utstillinga for fjordhest i landet.
Eid er også kjen som vertskap for eldste eksersisplassen i landet og som fødestad for den verdskjende matematikaren Sophus Lie. Opera Nordfjord er eit årleg arrangement som i 2005 går for 8. året på rad. Vi vonar at informasjonen de finn om dei kommunale tenestene på vår heimeside kan bidra til å gjere det lettare å få oversikt over kven som gjer kva og kva som skjer i kommunen vår.
